Balla “ha” ëmbëlsirën “Meta”, kujt i drejtohet? 

Kryetari i Grupit Parlamentar i Partisë Socialiste, Taulant Balla ka bërë një postim në rrjete sociale me nota humori.

Ai ka ndarë një foto me disa ëmbëlsira, ku në njërën prej tyre ishte shkruar “Meta”, kjo për emrin e ri që i është vënë rrjetit gjigant “Facebook”, teksa jep edhe një mesazh.

“Ëmbëlsirat dhe sheqeri  bëjnë keq për shëndetin, por s’bëhet pa to”, shkruan Balla në postimin e tij.

Ndërkohë, në një koment me poshtë specifikon “behet fjale per emrin e ri te Facebook, jo per Presidentin ne detyre te RSH”.

Kujtojmë që Mark Zuckerberg bëri para disa ditësh të ditur se gjiganti i rrjeteve sociale Facebook do të ndryshonte emër, në Meta.

Menjëherë pas këtij njoftimi në rrjetet “plasën” “memet”, duke lidhur kështu ndryshimin e emrit me presidentin Ilir Meta.