LIGJET E BIZNESIT
Ditën e sotme Gjykata e Apelit ka vendosur të lërë në fuqi dënimin me 12 vite burg për Abas Dogën, ish-rojen e shkollës 9-vjeçare “Azem Hajdari” në Babrru të Tiranës.
Ai akuzohet se ka abuzuar seksualisht me një vajzë të mitur të moshës 15 vjeçare.
Së bashku me të, u arrestuan dhe tre të rinj që gjithashtu dyshohen se kanë abuzuar me vajzën. I riu K. P., është dënuar me 7 vite burg, R. O., me 3 vite e 8 muaj burg dhe F. B., me 3 vite e 5 muaj.
Kujtojmë se skandali u zbulua pas denoncimit të vajzës që nuk pranoi më shantazhet dhe kërcënimet e tij.
Sipas prokurorisë, ai përdorte filmime të bëra prej tij për të shantazhuar vajzat e mitura.
E gjithë ngjarja ka nisur në vitin 2019, në muajin mars, kur Doga përndiqte 15-vjeçaren dhe e kërcënonte se do i tregonte prindërve të saj që ajo dilte me shoqet larg shtëpisë. E gjendur përballë këtij presioni ajo ishte detyruar ta takonte, ndërsa nuk dinte se makthi do të fillonte pikërisht aty.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
