U ndal për një pushim të shkurtër dhe për të ndezur një cigare, gruaja harron shqiptarin në autostradë

Një pushim i vogël për një cigare për pak sa nuk i kushtoi shtrenjtë një burri nga Shqipëria, i cili po udhëtonte me gruan e tij me makinë.

Ai ishte ndalur për të bërë një pauzë të shkurtër në autostradën A7 në Fussen të Gjermanisë, e teksa po pinte cigare gruaja harroi ta merrte sërish, duke vazhduar e vetme rrugëtimin me makinë.

Pas disa minutash, policia në Bavari ka pranuar një telefonatë për një këmbësor në autostradën A7. Ishte një shqiptar i cili po kërkonte gruan e tij.

Ai i kishte thënë policisë së gruaja kishte vazhduar rrugëtimin pa të. Megjithatë në fund është marrë nga një patrullë e policisë, që kontaktuan gruan e tij për t’i bërë me dije se ka harruar bashkëshortin.

Pasi u ribashkuan, dyshja vazhduan rrugëtimin drejt shtëpisë së tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern