Serbët nisin të blejnë ngjitës plastik, nga 8 tetori duhet të mbulojnë simbolet kur hyjnë në Kosovë

Nga 8 tetori, të gjithë qytetarët serbë, duhet të mbulojnë simbolet e Sërbisë kur të hyjnë në territorin e Kosovës. Sipas marrëveshjes së arritur, reciprociteti i targave do të nisë të premten si për palën serbe dhe atë kosovare.

Sipas mediave vendase, që nga ora 08:00 e 4 tetorit, nga pikat kufitare janë administruar rreth 2500 ngjitëse dhe nga Qendrat e Regjistrimit të Automjeteve rreth 500 të tjera.

Kosova dhe Serbia do të vazhdojnë të funksionojnë në këtë mënyrë deri me 4 prill të vitit të ardhshëm, kur edhe palët të bëjnë një zgjidhje të re për lëvizjen e lirë në kushtet aktuale të marrëdhënieve ndërshtetërore.