“Nuk do ta lejojmë” Basha del në konferencë: Rama po përpiqet të pengojë ngritjen e komisioneve hetimore

Kreu i Partisë Demokratike Lulzim Basha ka dalë në konferencë për shtyp, ku ka biseduar për situatën politike dhe aktuale në Shqipëri.

Ai ka akuzuar kryeministrin Edi Rama se po përpiqet të pengojë ngritjen e 3 komisioneve hetimore: një për masakrën zgjedhore, për inceneratorët dhe një për çështjen Becchetti.

“Në aksion politik në shtator kemi kërkuar 3 komisione hetimore, një për masakrën zgjedhore, një për inceneratorët dhe një për çështjen Becchetti.

Ai për masakrën zgjedhore është ngritur dhe pavarësisht përpjekjeve për ta sabortuar vijon dhe ne jemi të vendosur për t’i shkuar deri në fund atë që ka ndodhru me votën e shqiptarëve. Shqiptarët nuk meritojnë shkrirjen e shtetit me partinë. Pa demokraci nuk ka ekonomi, nuk ka punësim. Mbetet prioritet absolut i yni dhe do vazhdojmë. Nuk do lejojmë të ndalet puna e këtij komisioni.

Dy komisionet e tjera po sabotohen nga Edi Rama me pretekste të gënjeshtra. Edhe në këtë rast, siç po përpiqet të sabotojë atë për masakrën zgjedhore dhe nuk ka për t’ia dalë, nuk do ia dalë dhe me dy të tjerët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mjedisin e ndosim siç bëjmë gjatë verës që çojmë paratë te inceneratorët. Me të njëjtën lehtësi që i vunë flakën mbetjeve në disa qytete për të ljustifikuar firmat e kryetarëve , me të njëjtën lehtësi mendojnë se mund të ndalin punën e ketyre komisioneve. Mbetjet duan t’i çojnë te inceneratoret”, deklaroi lideri demokrat.