Ngjarja ndodhi në lokal/ Qëlloi për vdekje kryekamarierin në Elbasan, policia shpall në kërkim autorin

Policia ka shpallur në kërkim Erjon Llapushin.

Ai është autori i plagosjes së kryekamarierit në një kompleks në zonën e Labinotit në Elbasan.

50-vjeçari Gazmend Kumaku u godit me sende të forta nga klienti Llapushi, pasi kryekamarieri e njoftoi se tavolina ku ishte ulur, ishte e rezervuar.

Si pasojë e goditjes 50-vjeçari Kumaku ra përtokë, duke përplasur kokën me një pjesë betoni dhe më pas përfundoi në gjendje kome.

Policia e Elbasanit po bashkëpunon me atë të Korçës për kapjen e autorit për të cilin dyshohet se fshihet në zonën e Pogradecit, pasi banon në këtë qytet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mbrëmjen e djeshme Gazmend Kumaku ndërroi jetë, pasi ndodhej prej ditësh në gjendje të rëndë në spitalin e Traumës.