LIGJET E BIZNESIT
Kjo e diel është organizuar si një ditë ndryshe për refugjatët afganë që po qëndrojnë në hotelet buzë Adriatikut, në Golem.
Fëmijë shqiptarë e afganë, por edhe shumë të rritur u bënë pjesë e lojrave dhe valleve tradicionale duke e kthyer kështu në një festë të vërtetë ditën olimpike të organizuar që u hap me himnet e dy vendeve.
Himni afgan dhe vallja e burrave e kërcyer shumë larg atdheut ka emocionuar e përlotur një pjesë të madhe prej atyre që u larguan të detyruar nga vendi për t’i shpëtuar regjimit taleban.
”Ishte trishtuese dhe e lumtur që dëgjova himnin tonë kombëtar e këngët tona këtu. Bukur që jam këtu mes shqiptarëve, po më mungon vendi im, që është në një situatë shumë të keqe. Në luftë me talebanët”, u shpreh një prej tyre.
”Shumë faleminderit që erdhët këtu dhe na bëtë të lumtur pas një kohe kaq të gjatë. Ndjehemi si në shtëpi dhe shumë të kënaqur që dëgjuam himnin tonë. Destinacioni ynë final nuk është Shqipëria, por jemi të lumtur këtu”, tha një tjetër.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“U emocionuam shumë kur dëgjuam himnin tonë, pas gjithë atyre ditëve të vështira që kemi kaluar. Kjo ishte një mundësi e bukur për të ndarë kulturat dhe ndjeshmëritë tona, si dhe për të qenë bashkë e mësuar nga njëri-tjetri. Të gjithë do të jetojmë me ndjesitë e bukura të kësaj dite dhe në vazhdim”, u shpreh një tjetër afgan për Top Channel.
