Helmimi në Krujë, 130 qytetarë kanë përfunduar në spital prej mesditës së djeshme

Vijon të jetë e rënduar situata nga helmimi i ujit të pijshëm në Krujë. Mediat mësojnë se nga mesdita e djeshme deri mëngjesin e sotëm kanë qenë rreth 130 persona, që i janë drejtuar spitalit për ndihmë.

Aktualisht në spital nuk ka pacientë të shtruar.

Sipas informacioneve, depozita kryesore është dezinfektuar, është mbushur e derdhur dy herë dhe pritet leja nga ISHP-ja për të nisur furnizimin me ujë të qytetit, pasi duhet të dalin analizat, të cilat me shumë gjasa dalin ditën e premte.

Ndërkohë, një ditë më parë, prokuroria ka zbarkuar te ndërmarrja e Ujësjellës Kanalizime Krujë, ku janë marrë disa dokumente, si dhe janë marrë në pyetje drejtues të këtij institucioni. Ndërkohë, ende nuk ka përgjegjës për këtë situatë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern