“Furtunë” në policinë e shtetit, lëvizjet që po planifikon drejtori Gledis Nano

Pas emërimit të drejtorit të ri, në policinë e shtetit pritet të ketë ndryshime rrënjësore, që do të prekin jo vetëm kupolën e policisë, por edhe drejtorët vendorë, shefat e komisariatit dhe të rendit.

Bëhet me dije se drejtori i Përgjithshëm, Gledis Nano, është njohur me vlerësimin që drejtorët vendorë u kanë bërë shefave të komisariatit. Mediat mësojnë se nga nesër do të njihet me rezultatet e analizës 9 mujore në çdo drejtori vendore në vend. Analiza pritet që të përfundojë këtë javë dhe më pas do të bëhen lëvizje drejtuesish.

Vendimi i parë i Gledis Nanos

Pak ditë më parë, Gledis Nano, në vendimin e tij të parë, ka vendosur që t’u kompensohet detyrimi i prapambetur financiar të gjithë efektivëve të policisë, për orët shtesë të papaguara përgjatë viteve.

Paratë për orët shtesë do të paguhen nga fondet e policisë, por edhe nga paratë e konfiskuara nga krimi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern