Detaje të reja nga zjarri në Astir, e moshuara ishte dhunuar disa herë nga djali i saj

Të tjera detaje janë zbardhur lidhur me ngjarjen e rëndë që është shënuar një ditë më parë në Astir, ku një grua dhe djali i saj u hodhën nga kati i 3-të për t’i shpëtuar flakëve që kishin përfshirë banesën.

Nga ngjarja ndërroi jetë e moshuara, gruaja 62-vjeçare Hava Osmënaj, ndërsa mbeti i plagosur djali i saj Klodian Osmënaj.

Mësohet se policia kishte shkuar shpesh në familjen Osmënaj, për shkak se denoncimeve që bënin banorët e pallatit.

Burime për mediat bëjnë të ditur se 62-vjeçarja dhunohej shpesh nga djali i saj, i cili ka probleme mendore. Edhe pse ajo dhunohej shpesh, asnjëherë nuk kishte denoncuar apo të kërkonte urdhër mbrojtje.

Përveç banesës së familjes Osmënaj që është shkrumbuar tërësisht, mësohet se dëme të mëdha janë shkaktuar dhe në katin e tretë, ku dëmtime kanë pasur dyert e katit ku ndodhej banesa. Po ashtu, plagë ka marrë edhe një grua, fqinja e viktimës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern