“Vaksina s’të mbron 100 %”/ Brataj shpjegon rastet e vdekjeve të personave me dy doza

Anëtari i Komitetit Teknik Dr. Skënder Brataj e vlerëson shumë kritike situatën e koronairusit për shkak të dezinformimit të qytetarëve nga rrjete sociale apo nga persona jo profesionistë që po ndikojnë tek qytetarët e prekur nga Covid-19 që të mos kërkojnë ndihmë mjekësore dhe të mos vaksinohen.

Por në fakt këto ditë kemi pasur humbje jete të personave të vaksinuar me dy doza .

“Vaksina nuk mbron 100% , edhe mund të ketë vdekje”, tha Brataj.

Në spitalet Covid po trajtohen 175 qytetarë. Ka nga ata në gjendje të rëndë shëndetësore . Dr. Brataj apelon qytetarët të informohen por të ndjekin institucionet shëndetësore ndërkombëtare me informacionet që shpërndahen dhe mjekët profesionistë.