“Mos i fusni në parlament gënjeshtarët”/ Bledi Mane nxjerr “zbuluar” deputetët: Vetëm 39 prej tyre janë vaksinuar

Ndërsa ministrja Ogerta Manastirliu dhe kryeministri Edi Rama, i bëjnë thirrje për vaksinim qytetarëve, ata nuk ia kanë dalë të bindin as ‘llojin’ e tyre.

Sipas gazetarit Bledi Mane vetëm 39 deputetë kanë marrë dozën e tyre të vaksinës, ndërsa pjesa tjetër refuzon të marrin vaksinën.

Postimi i Bledi Mane

“Bëj si them unë, mos bëj si bëj unë/ VETËM 39 DEPUTETË JANË VAKSINUAR, 101 TË TJERË GËNJEJNË

***

Nuk duhet ti lejojmë të futen në Parlamentin e Republikës. Nga 140 deputetë të sapozgjedhur, vetëm 39 prej tyre janë vaksinuar, 101 të tjerë po i bëjnë bisht vaksinimit.

Lerini justifikimet, vaksinohuni publikisht, na tregoni certifikatën e vaksinimit, hyni në Kuvend të imunizuar dhe pastaj na detyroni ne qytetarëve të tjerë të vaksinohemi…”, tha ai.