“I ngule thikën pas shpine Berishës” Plasin debatet në mbledhjen e PD, Noka përplaset me Bashën

Mbledhja e Kryesisë së Partisë Demokratike është shoqëruar sot me debate të forta.

Përplasja ka ndodhur mes deputetit Flamur Noka dhe kryetarit të PD Lulzim Basha.

Noka i ka kërkuar shpjegime kreut të demokratëve mbi ecurinë dhe vendimin për Sali Berishën, ku ky i fundit u përjashtua nga grupi Parlamentar i PD me vendim të Bashës. Ndërkohë Noka nuk është në të njëjtin mendim me Bashën duke u shprehur haptazi kundër përjashtimit të Berishës.

Në ballafaqimin mes këtyre dy figurave të PD-së, mësohet se Noka e ka bërë përgjegjës Bashën në atë që ai e quan “ngulje thike pas shpine ndaj Sali Berishës”.

Noka: T’i je përgjegjës që i ke ngulur një thikë pas shpine Sali Berishës. Ti pavarësisht kësaj, ke thënë se është vendimi i jetës time.

Basha: Mos thoni gjysëm të vërteta, kam thënë vendimi më i vështirë që kam marrë.