Gafat e ministrave gjatë betimit para presidentit Meta: Njëra nuk hedh firmën, tjetra… (Video)

Kabineti i ri qeveritar u betua paraditen e kësaj të shtune në një ceremoni të shkurtër para Presidentit të Republikës Ilir Meta, për të cilin një pjesë e tyre kishin hedhur votën pro shkarkimit në legjislaturën e kaluar.

Në ndryshim nga rastet e tjera të betimit të qeverive, ceremonia nuk u transmetua “Live” për mediat, mirëpo pamjet u shpërndanë më vonë nga zyra për shtyp e presidencës. Gjatë ceremonisë ranë goxha në sy disa ‘gabime’ të ministrave të rinj në lidhje me procedurën e betimit.

Kështu, ministrja e Shtetit për Marrëdhëniet me parlamentin, Elisa Spiropali nuk firmos sipas procedurës.

Ndërsa ministrja e Bujqësisë, Frida Krifca mjaftohet vetëm duke e vendosur dorën në zemër, por jo në Kushtetutë, sikurse është procedura.

Ceremonia e betimit të qeverisë së re e përbërë në pjesën dërrmuese nga gra, zgjati pak më shumë se 10 minuta, dhe pas saj Rama dhe të zgjedhurit e tij e përshkruan në këmbë rrugën drejt kryeministrisë.