Ermal Meta dhe Elhaida Dani “ndezin” skenën në “Air Albania”, muzikë italiane dhe shqiptare   

Këngëtari Ermal Meta ka performuar për publikun shqiptar mbrëmjen e kësaj të premteje në koncertin që po mbahet në stadiumin “Air Albania”, në Tiranë. Koncerti është hapur nga këngëtarja e njohur Elhaida Dani.

Fillimisht Meta ka kënduar këngë italiane për ta mbyllur më pas koncertin me këngë shqiptare.

Ndërkohë paraditen e sotme, këngëtari është takuar me kryeministrin Edi Rama, ku ky i fundit i ka dhuruar atij edhe librin me piktura.

“Super Ermal Meta e nis turin nga Tirana drejt Italisë. Ishte kënaqësi e posaçme që i ra rruga nga zyra ime, ku u ndal për një bisedë të këndshme”, shkruan Rama.