E padëgjuar më parë/ Hajduti hyn në shtëpi për të vjedhur, por i shtang të gjithë me veprimin që bën

Nuk janë të rralla historitë e pazakonta që ndodhin në të gjithë botën.

Njëra prej tyre është shënuar në Angli.

Protagonist i ngjarjes është një i ri, i cili kishte shkuar për të vjedhur një shtëpi.

Konrad Kuprasz, 24 vjeç u nis për të grabitur në North Yorkshire, por përfundoi duke larë rrobat, duke sistemuar dhomat dhe jo vetëm. Pasi hyri në banesë i riu nisi të sistemonte gjithçka, bëri një dush për vete, lau rrobat që kishte veshur, hëngri drekë dhe pastroi të gjithë shtëpinë. Ndërsa pasi i mbaroi këto të gjitha, i riu që kishte hyrë në shtëpi për të vjedhur u rehatua në krevatin e zotit të shtëpisë duke luajtur në laptop.

Kur pronari i shtëpisë erdhi e pa hajdutin që ishte shtrirë në krevat dhe kishte veshur rrobat e tij. Burri njoftoi policinë e cila erdhi dhe arrestoi menjëherë 24-vjeçarin nga Polonia. Kur u arrestua ai iu tha policëve se kishte bërë edhe disa riparime zdrukthtarie kur ndodhej brenda shtëpisë që kishte hyrë për të vjedhur. Kuprasz, nga Scarbrough, pranoi vjedhjen dhe u burgos për dy vjet. Pas lirimit të tij ai do të dëbohet përsëri në vendlindjen e tij, Poloni.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern