Aksidenti në Burrel/ Të plagosur gjyshërit, prindërit dhe dy fëmijët, ja si arritën të kërkonin ndihmë

Zbardhen detaje të reja nga aksidenti i familjes dibrane në rrugën nacionale Burrel-Milot.

Mësohet se të plagosur janë gjyshërit, prindërit dhe dy fëmijët.

Ata janë transportuar në Spitalin e Burrelit, ku njëri prej tyre është sjellë me urgjencë në Tiranë, te Trauma.

Ka qenë njëri prej anëtarëve të familjes, i cili ka mundur të dalë nga mjeti dhe të kërkojë ndihmë, duke shmangur tragjedinë dhe duke shpëtuar të gjithë anëtarët e tjerë të familjes. Drejt Tiranës është sjellë një fëmijë 4 vjeç, ndërsa në mjet ka qenë dhe një fëmijë 12 vjeç, prindërit e tyre dhe gjyshërit e fëmijëve.