A iu bë presion për të marrë vendimin? Përjashtoi Berishën, Basha flet pas seancës parlamentare

Kryetari i Partisë Demokratike Lulzim Basha ka mbajtur një qendrim të prerë, teksa është pyetur për përjashtimin nga grupi parlamentar të ish-kryeministrit Sali Berisha.

Në momentin që ka dalë nga Kuvendi, pas zhvillimit të seancës së parë, lideri demokrat është pritur nga gazetarët, duke u pyetur në lidhje me luftën që i ka hapur Berisha.

Ai nuk ka preferuar të japë asnjë përgjigje kur është pyetur nëse ka pasur presione për të larguar ish-kryeministrin nga PD-ja.

“Ka vetëm një armik dhe ai është Edi Rama”, ka thënë Basha dhe më pas është larguar i shoqëruar nga Gazment Bardhi, Ervin Salianji dhe Agron Gjekmarkaj.