Video/ Atleti bën veprimin e turpshëm, i heq ujin rivalëve për të fituar 

Maratonisti i njohur francez Morhad Amdouni u bë protagonisti i një gjesti që shkaktoi shumë polemika ditën e fundit të Olimpiadës në Tokio.

Atleti, teksa po i afrohej stendës që shpërndante shishe me ujë në kilometrin e 28 -të të garës, i hodhi të gjitha shishet në tokë për kolegët e garës, duke marrë të fundit në rresht, të vetmin që kishte mbetur pa rrëzuar.

Ky gjest ka ndezur zemërimin e shumë njerëzve në rrjetet sociale. Maratona ishte një garë tejet e vështirë, gjë që detyroi shumë atletë të tërhiqeshin si pasojë e nxehtësisë së madhe.

Në fillim u mendua se gjesti i atletit ishte pa qëllim të keq, mirëpo duke parë me kujdes pamjet e francezit ka pak justifikime dhe duket se, me pëllëmbën e dorës të hapur, ai qëllimisht hedh shishet me radhë për të parandaluar vrapuesit e tjerë të  marrin ujë. Megjithëse bëri këtë gjest,Amdouni përfundoi në vendin e 17 -të.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern