“Unë dhe bebushi të duam shumë!”/ Shpat Kasapi uron bashkëshorten dhe ndan lajmin e ëmbël

Shpat Kasapi dhe bashkëshortja e tij, Selvije Jao, do të bëhen prindër për herë të parë.

Lajmin emocionues e ka bërë të ditur vetë këngëtari në rrjete sociale, teksa uron bashkëshorten për ditëlindjen e saj.

“Gëzuar ditëlindjen gruaja ime, që do të bëhet nënë së shpejti. Dashuria jote më ka kthyer në këtë njeri të lumtur, gjithmonë njeri të qeshur që jam sot, të jam mirënjohës përgjithmonë!

E sidomos tani që po presim një engjëll! Shumë i detyruar ndaj teje për gjithçka, pa ty nuk jam asgjë! Të paça gjithmonë dashuri. Të dua shumë!”, shkruan ai krahas fotos.

Të njëjtin urim, Kasapi e publikoi edhe në Instastory, aty ku mori edhe një përgjigje nga Selvija, e cila i shkroi: “Faleminderit shumë dashuri! Unë dhe bebushi të duam shumë!”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ende nuk dihet gjinia e bebushit që pritet të vijë në jetë.