Tapeti i “Air Albania” nuk është ende gati, ja ku do të luajë Kombëtarja

Muaji shtator rikthen Kombëtaren, me përfaqësuesen shqiptare e cila është e impenjuar në tre ndeshje zyrtare të vlefshme për kualifikueset e Botërorit “Katar 2022”, ndaj Polonisë në transfertë më 2 shtator dhe Hungarisë e San Marinos në 5 dhe 8 shtator që do të luhen në shtëpi.

Dy ndeshjet që do të luhen në shtëpi do të zhvendosen në “Elbasan Arena”. Shkak i këtij spostimi të paparashikuar është investimi për rinovimin e tapetit në “Air Albania”. Sipas FSHF, investimi parashikon një tapet të ri hibrid, i cilësisë dhe standardeve më të larta ndërkombëtare, që pritet të jetë gati në mesin e muajin e shtator.

Sakaq bëhet me dije se biletat për dy ndeshjet ndaj Hungarisë dhe San Marinos do të dalin në shitje ditën e shtunë, datë 21 gusht 2021.

Shqipëria ndodhet në grupi I të kualifikueseve të Botërorit të Katarit, ku në tre ndeshjet e para ka grumbulluar 6 pikë pas fitoreve ndaj Andorës dhe San Marinos dhe humbjes ndaj Anglisë./Gazeta Shqip/

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern