“Më preku shumë” Rama njofton vendimin e Najada Çomos për të lënë mandatin e deputetes, ja arsyeja

Sot kryeministri Edi Rama ka mbledhur urgjent qeverinë me rastin e përfundimit të mandatit të dytë.

Ai e ka nisur fjalimin me një thirrje për të gjithë qytetarët që të vaksinohen sa më parë të jetë e mundur.

Kreu i qeverisë u shpreh se C OVID19 do të jetë prezent edhe këtë vit, ku ndër të tjera sugjeroi se si Pfizer, ashtu dhe Sinovac janë efektive si vaksina kundër virusit.

Gjithashtu gjatë konferencës, Rama bëri publik lajmin se deputetja e zgjedhur e PS-së në zgjedhjet e 25 Prillit, Najada Çomo i ka kërkuar largimin nga mandati për t’ju përkushtuar pacientëve të infektuar me DELTA.

“Najada Çomo më komunikoi largimin për të mos u ndarë nga skuadra e saj fantastike në Spitalin Infektiv, pikërisht në momentin kur varianti Delta i virusit nisi të rimbushë shtretërit e terapisë intensive. E falënderoj edhe publikisht për këtë shembull kuptimplotë të detyrës”, tha Rama.

“Asnjë në gjendje të rëndë nuk është i vaksinuar. Të vaksinuarit nuk kanë shenja të rënduara. Kritikët e Sinovac, ndahen gjysmë për gjysmë të vaksinuarit me Pfizer dhe ato me Sinovac. Të gjithë ata që nuk kanë bërë vaksinën të mos humbasin kohë dhe të mos rrinë në pritje me mendimin e gabuar se Pfizeri bën e Sinovacu s’bën. Vaksina nuk i mbron të gjithë nga infektimi por është e qartë se ajo % e vogël që preket e kalon sëmundjen pa kërcënimin fatal të jetës. Vaksinohuni, vaksinohuni. Frika dhe konspiracioni e lënë njeriun pa imunitet. Ky virus do të jetë me ne edhe këtë dimër. Numrat po rriten dhe nëse sot jemi më të mbrojtur lidhet me numrin e lartë më të vaksinuar. Vaksinën duhet ta bëjnë me patjetër edhe ata që kalojnë COVID19 sepse studimet sugjerojnë se s’ka imunitet natyral afatgjatë. Falenderoj ministren:, u shpreh Rama për situatën e C ovid-19.