“Nuk mund të vdesin amerikanët, kur vetë afganët nuk luftojnë”/ Biden: Unë jam presidenti, kjo ndalon me mua

Presidenti Joe Biden në një konferencë për shtyp nga Shtëpia e Bardhë tha se misioni amerikan në Afganistan “kurrë nuk ishte menduar të ishte ndërtimi i një kombi”.

Biden sqaroi se ishte projektuar për të parandaluar “një sulm terrorist në tokën amerikane”.

“Ne nuk mund të lejonin që të vriteshin amerikanë, kur vetë afganët nuk janë në gjendje të luftojnë për shtetin e tyre. Talebanët nuk janë forcë e re, i dhamë çdo mundësi për të pasur një të ardhme, por ata nuk luftuan për atë të ardhme.

Nëse Afganistani nuk mund të përballet me talebanet tani, atëherë nuk ka asnjë shans që amerikanët do të kishin bërë ndonjë diferencë në Afganistan”, tha Biden.

“Unë nuk do t’ia kaloj këtë përgjegjësi një presidenti të pestë,” shtoi ai, duke përsëritur një frazë që ai e ka thënë shpesh që nga vendimi i tij në prill për të lënë Afganistanin deri në shtator.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Jam shumë i trishtuar nga faktet me të cilat përballemi tani, por nuk më vjen keq për vendimin tim për t’i dhënë fund luftimeve të Amerikës në Afganistan.”

“Unë jam presidenti i SHBA -së, kjo ndalon me mua.”