“Jam e lidhur, mos më pyesni më!”/ Rrëfehet Nevina Shtylla

Nevina Shtylla është një nga moderatoret më të pëlqyera të ekranit.

Gjatë një bisede virtuale me ndjekësit në Instastory, modelja ka zbulur dhe disa detaje nga jeta e saj.

Modelja u pyet se si është ndjerë në momentin e parë që ke dalë para kamerave.

Nevina shkroi: “Shumë emocione. Rrahje të forta zemre. Dhe sigurisht që ajo çfarë thashë ishte tjetër për tjetër nga ajo çfarë kisha planifikuar fillimisht të thoja.

Kam qenë 15 vjeç dhe që atëherë më është dashur të punoj shumë, të dështoj e të provoj sërish, që të fitoj qetësinë që kam sot në skenë. Edhe pse emocionet janë më lehtësisht të kontrollueshme tani, ka ende vend për përmirësim”.

Duke iu përgjigjur interesit të ndjekësve për jetën e saj private, moderatorja tregoi se është në një lidhje dhe ndihet shumë e lumtur.