“Dy-tre shuplaka i kam dhënë” Habit burri nga Kosova: Nuk quhet dhunë nëse je i martuar

Shpallet në kërkim nga policia e Kosovës Sadat Fejza.

Ky i fundit dyshohet se ka dhunuar bashkëshorten e tij.

Pasi fotografia dhe të dhënat e tij u bënë publike nga organet e rendit, Fejza ka thënë se e tëra ka ndodhur pas mosmarrëveshjeve që kanë patur.

Për dhunën që dyshohet se e ka ushtruar ndaj gruas së tij, ai habiti teksa tha se nuk i ka bërë asgjë vetëm “dy-tri shuplaka”.

Fejza deklaroi se nuk quhet dhunim nëse gruaja është e kurorëzuar.

“Kush e dhunon gruan e kurorëzume, këtë mbane mend. Para një jave ka ndodhë disa mosmarrëveshje, ja kom jep nashta nja dy tri shuplaka, jo më shumë. Edhe dikush e ka lajmëru Policinë. Mu shumë më njohin, kom qenë drejtor i televizionit Dardania”, tha ai.

Ai tregoi se ky rast ka ndodhur më 9 gusht në fshatin Mogillë komuna Kllokot.

“Duhet me sqaru këtë lajm. Unë në Kosovë jom. Fjala dhunim është shumë e madhe. Unë jom në bashkëbisedim edhe me Policinë. Gruaja është dërguar në qendrën sociale”, shtoi ai.