LIGJET E BIZNESIT
Ditën e sotme banorët e Visokës në Mallakastër kanë dalë në protestë për mungesën e infrastrukturës rrugore nga kompanitë nxjerrëse të naftës në zonë.
“Problemi qëndron vetëm te kompania naftënxjerrëse, ata kujtojnë se erdhën në fshatin tonë blenë puset e naftës, por brenda disa rregullave e kritereve. Shkarkimi i gazit dhe i naftës në gjendje të lirë pa asnjë lloj përgjegjësie, ku shkon ky helm? Në mushkëritë tona, 50 metra larg nga shkolla, kalonin fëmija dimrit dhe shtylla e korentit e tensionit të pusit të naftës shkarkonte në tokë. Mua më dridhej rrëngjethej mishi kur do nisja fëmijën në shkollë. E kemi ngritur zërin me aq sa kemi pasur mundësi. Nuk dëgjohet zëri jonë. Fshati jonë vërtet jë fshat i pasur por me njerëzit më të varfër e pa një kokë drejtuese.
Kompania ka qenë trans oli grup tani kanë ardhur serbë thonë, kinezë, nuk e dimë. Skandali i fundit ishte prishja e varrezave ilire, janë dokumentuar eshtra të nxjerra, janë fakte që kanë kaluar në gjykatë apo prokurori. Koeficentin e punësimit në fshatin tonë e kanë zero. Mua më ka vdekur babai vetëm nga ajo sëmundje”, u shpreh një nga banorët e fshatit.
Më pas për mediat ka folur dhe drejtori i kompanisë të cilën e akuzojnë banorët, i cili u përfshi në një incident dhe me një prej gazetareve të pranishme, naj të cilës përdori dhe një gjuhë fyese.
Edmond Bejtaj, i cili ka dalë për të pritur banorët në hyrje të kompanisë ka shpërthyer ndaj gazetares me fjalët ”mos më çaj trapin”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gazetarja: Çfarë do iu thuash banorëve sot?
Edmond Bejtaj: Me banorët po flas tashi, mos ma çaj trapin dhe ti shumë, tashi rri këtu, lëre që të flasin ata.
Banorët: O, kujt i thua ti mos na ça trapin, i paedukatë
Edmond Bejtaj: Rrini urtë, rri tashti
Banorët: Ke motra ti
Edmond Bejtaj: Lëre tashti.
