“Ke qenë hetues” Deputeti ia thotë hapur në mes të Kuvendit, ja si përgjigjet kreu i SPAK

Në seancën e sotme parlamentare kreu i SPAK Arben Kraja është pyetur për disa tema nga deputeti i opozitës së re Myslym Murrizi.

Duke filluar nga hetimet pasurore e deri te krimet zgjedhore, Murrizi e ka pyetur ndër të tjera dhe për faktin që ai ka deklaruar vetë se ka qenë hetues.

Murrizi: Shof sot, një lajm që SPAK ka kërkuar sekuestrimin e pasurisë së Ylli Ndroqit. Ju inkurajoj. Po besoj që Ylli mund të jetë bëma e fundit që ka vënë dorë në taksat publike. Sa yje të tjerë me jaka e kollare mund të ketë ky vend. A ka marrë një nismë SPAK. Ke tre muaj afat që të më thuash se ku i gjen të ardhurat tuaja, që jeton e ke 7 hale për macet. Një gjë personale, zoti Kraja. Në cv tuaj keni thënë që keni qenë hetues. CV që jeni stigmatizuar për të kaluarën tuaj kur jo pak keni qenë bashkëpunëtor në KLGJ, Magjistraturë e me radhë.

Kraja: Duhet të keni parasysh që unë nuk jam person që i hetoj. Si drejtues kam disa detyrime, për të krijuar kushte. Unë kam disa detyrime ligjore. Për ti krijuar kushte që të funksionojë më mirë institucioni. Pjesë e punës time ka qenë plotësimi i kushteve të duhura. Kam bërë përpjekje të vazhdueshme, për të përcaktuar saktë funksionet. Kam qenë pjesë e përzgjedhjes së drejtori të Byrosë së Hetimit. Fakti që mandati është tre vjet unë nuk kam asnjë problem. Me ka ra për hise të jem i pari që merr më shumë të shame po nuk ka asnjë problem, jam i ndërgjegjshëm për këtë. Unë nuk kam bërë asnjë koment, debat. Unë nuk e kam fsheh, është e deklaruar që kam punuar hetues, iu jam nënshtruar të gjitha hetimeve. Unë s’kam pse të bëj debat për këtë gjë.