Euro 2020/ Franca apo Gjermania? Elefanti ‘fallxhor’ parashikon kush do të dalë fituese sot

Sot në mbrëmje në Kampionatin Europian do të luhet një sfidë e madhe e cila konsiderohet si finale e parakohshme.

Bëhet fjalë për ndeshjen mes Francës dhe Gjermanisë, ku po diskutohet gjithashtu dhe rezultati i mundshëm.

Ndërkohë një parashikim paraprak ka bërë dhe një elefant “fallxhor” , i cili ndodhet në Hamburg të Gjermanisë.

Sipas tij, Franca do të dalë fituese dhe do ta mundë Gjermaninë në ndeshjen e parë të “Euro 2020”.

Turnetë e mëdha të futbollit shpesh tërheqin ”fallxhorë të supozuar” të kafshëve me shkallë të ndryshme suksesi.

Yashoda elefanti, 42 vjeç, tërhoqi flamurin francez në vend të atij gjerman nga një kuti në kopshtin zoologjik ”Hagenbeck”.

Elefanti tundi flamurin në ajër dhe mori një ananas si shpërblim.

Franca është kampione e botës dhe do të përballet me Gjermaninë në Mynih.

Portugalia dhe Hungaria janë gjithashtu në Grupin F.