“Do ta ulim kufirin e pikëve” Maturantët në protestë, reagon ministrja e Arsimit

Pas protestave të maturantëve në të gjithë Shqipërinë në lidhje me vështirësinë e provimit të matematikës, ku kërkuan uljen e kufirit minimal të pikëve për të marrë notën, ka reaguar ministrja e Arsimit Evis Kushi.

Kjo e fundit ka publikuar një video ku jep një lajmërim të rëndësishëm.

Në fjalën e saj, Kushi deklaron se pas shqetësimit të bërë publik nga ana e maturantëve, janë ngritur grupe pune të cilat, kanë analizuar provimin e matematikës dhe kanë arritur në përfundimin se duhet të ndërmerrej vendimi për uljen e kufirit minimal të piëkëve për çdo notë të provimit të matematikës.

“Të dashur maturantë, menjëherë pas provimit të matematikës, në në ministrinë e Arsimit, Sportit dhe Rinisë, ngritëm grupe të pavarura pune me ekspertë të kësaj fushe. Mësues me përvojë dhe maturantë të cilët kanë analizuar cdo pyetje dhe kemi parë edhe saktësinë shkencore dhe nivelin e vështirësisë.

Duke konsideruar edhe situatën e vështirë në të gjithë vendin, ku pavarëissht pandemisë, vetëm 10 bashki të vendit nuk kanë zhvilluar mësim në klasa, kemi vendosur të plotësojmë kërkesën e maturantëve për të ulur kufirin minimal të pikëve për çdo notë”– tha Kushi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern