“Deri dje ia gjenin anën” DPSHTRR jep njoftimin që duhet ta kenë parasysh të gjithë shoferët

Ditën e sotme DPSHTRR ka publikuar disa fotografi të makinave, të cilat nuk kanë mundur të kalojnë kontrollin teknik për shkak të parregullsive të rënda.

Disa prej tyre i kanë në sistemin e drejtimit të mjetit, disa me rrezik për pasagjerët, për shikimin apo sistemin e dritave, etj.

“Riparoni mjetet rrugore në afatet ligjore”. Kjo është thirrja që Drejtoria e Transportit Rrugor ka për të gjithë drejtuesit e automjeteve, pasi në të kundërt do të merren masa të rënda nëse konstatohen në gjendje të rënduar në qarkullim, ashtu siç mund të shihni edhe në fotogalerinë e mëposhtme.

REAGIMI I PLOTE:

Deri dje ja gjenin anën! Sot NGEL! NUK KALON KOLAUDIMIN! Këto parregullsi të rënda, disa prej tyre edhe në sistem drejtimi të mjetit, në goma, disa me rrezik për pasagjerët, për shikimin apo sistemin e dritave, për ambientin, për të tretët, shumica shkak për rrezik për mjetet e tjera në qarkullim apo për aksidente me pasoja, të gjitha për neglizhencë e moskokëçarje, moskujdes i gjatë mirëmbajtjeje mjeti, ju ngarkojnë me përgjegjësi! Riparoni mjetet rrugore në afatet ligjore! DPSHTRR, Policia Rrugore dhe Task Forca e Transportit Rrugor – MIE do të jenë pengesë e pakalueshme për këto raste skandaloze – deri në ndalimin përfundimtar të qarkullimit dhe masa të rënda për poseduesit e këtyre mjeteve nëse konstatohen në këtë gjendje në qarkullim! #Kolaudimi #KontrolloMjetin #KontrolliTeknikDPSHTRR #MIE #AutomotorizimiShqiptar

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern