A duhet të vaksinohen personat që e kanë kaluar virusin? Ja si përgjigjet epidemiologu Alimehmeti

Epidemiologu i njohur Ilir Alimehmeti ka folur rreth ardhjes së vaksinës në fund të janarit në Shqipëri.

Ai u shpreh se numri i vaksinave është tejet i ulët ndaj duhen bërë prioritetet.

Alimehmeti shtoi se është e rekomandueshme që mund ta bëjnë vaksinën dhe ata që kanë kaluar C OVID19 por nuk janë prioritet sepse imuniteti natyror që kanë fituar i mbron.

‘Është e rekomanduar që mund ta bëjnë vaksinën dhe ata që e kanë kaluar vaksinën por imuniteti natyror patjetër mbron. Ka një mbrojtje afatgjatë. Efekti i ri infektimit është shumë i ulët me këtë virus. Do të thotë imuniteti natyror, vlen ecën dhe në këtë moment që flasim mbron.

Studimet kanë nxjerrë që ri infektimi është gjë shumë e rrallë dhe përgjithësisht asimptomatik  që do të thotë një person që e ka kaluar, nuk është priroritar  për kryerjen e vaksinës.

Tek ne numri i vaksinave është tejet i ulët pra duhet të bëjmë prioritete. Do shkojmë te grupet prioritare. Një person që e ka kaluar nuk është prioritar.’-tha Alimehmeti.