“Duhet të jemi të përgatitur” Paralajmëron Pëllumb Pipero: Ja çfarë na pret në gjysmën e dytë të janarit

Mjeku infeksionist është një nga figurat më të aktivizuara dhe që është vënë më shumë në lëvizje që nga fillimi i pandemisë.

Ai deklaroi mbrëmjen e sotme se sipas tij në gjysmën e dytë të janarit do të ketë një shtim të rasteve.

I ftuar në programin “Log”, Pipero u shpreh se të paktën për 2-3 muajt e ardhshëm duhet të jemi në alert dhe të kemi shumë kujdes.

Infeksionisti pretendon se virusi do të jetë i pranishëm në vendin tonë derin në fund të këtij viti, ndaj kërkoi vëmendje dhe kujdes.

“Unë besoj se gjysma e dytë e janarit do të ketë një shtim të rasteve, se sa do të shkojnë nuk e di, nuk mund ta them, por duhet të jemi të përgatitur natyrisht dhe duhet doemos dhe të paktën dhe 2-3 muaj të tjerë duhet të jemi në shumë alert për të mundësuar uljen e dëmit të këtij virusi. Kur thashë 2-3 muaj, thashë për vëmendje të shtuar por deri nga fundi i vitit do të vazhdojmë të përballemi”, theksoi Pipero.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern