Toka nuk gjen qetësi/ Tërmeti i fortë godet Greqinë, ja sa ishte magnituda

Toka në Greqi nuk po gjen qetësi për shkak të lëkundjeve sizmike.

Mësohet se një tërmet me magnitudë 5.2 të shkallës Rihter ka goditur shtetin fqinj mbrëmjen e djeshme rreth orës 23:00.

Sipas informacioneve epiqendra ka qenë në detin Jon, në jug perëndim të Patras.

Lëkundja raportohet të ketë pasur një thellësi prej 10 kilometrash.

Por pas këtyre lëkundjeve të forta, në detin Jon ka rënë një tjetër tërmet.

Magnituda ishte 3.2 e shkallës Rihter dhe u regjistrua në orën 03:40 të mëngjesit të sotëm në jugperëndim të Patras, me një thellësi prej 2 km.

Banorët e Patras dhe zonave përreth kanë ndjerë lëkundjet e forta sizmike. Deri më tani nuk raportohet për persona të lënduar apo dëme materiale, por qytetarët janë frikësuar shumë. Në komentet në rrjet ata shkruajnë se tërmetet kanë zgjatur për disa sekonda dhe kanë qenë shumë të fuqishëm, sa i zgjuan edhe nga gjumi.