Shifra shqetësuese/ Mbi 1 milion të prekur, ky është shteti në Europë me numrin më të lartë të infektuarve nga COVID19

Europa është padyshim një nga kontinentet më të prekura nga pandemia e koronavirusit.

Aktualisht, shteti me numrin më të lartë të të infektuarve është Spanja, ku shifrat e kapërcejnë pragun e një million personave.

Sipas asaj që njofton ministria vendase e Shëndetësisë, 16.973 njerëz janë infektuar në 24 orë.

Në total deri më tani që prej fillimit të pandemisë shënohen 1.005.295 të prekur.

Kjo bën që Spanja të jetë vendi i parë në BE me një numër kaq të madh të të infektuarve.

Gjithashtu është bërë e ditur se 156 njerëz vdiqën brenda një dite dhe 34,366 njerëz kanë vdekur nga muaji mars.

Spanja, me një popullsi prej rreth 47 milionë banorësh është vendi i gjashtë në botë që kalon pragun e një milion të infektuarve.

Ndërsa Shtetet e Bashkuara, India, Brazilia, Rusia dhe Argjentina janë në top vendet e botës me numrin më të madh të të prekurve me COVID-19.