“Po shohim të moshuar që po ja hedhin virusit, e të rinj që po këputen” Brataj e pranon, tregon arsyen se përse ndodh

Kreu i Urgjencës Kombëtare Skënder Brataj ka folur rreth situatës së pandemisë në vendin tonë.

Sipas tij të moshuarit po e kalojnë më mirë betejën me virusin, pasi kanë frikë dhe kujdesen për veten.

Në programin “Opinion” Brataj shtoi se rastet ndër moshat e reja sa vijnë dhe po rriten pasi ata po injorojnë të gjitha këshillat.

Ndërkohë pikërisht në këtë moment ndërhyri moderatori Blendi Fevziu, i cili hodhi poshtë teorinë e Bratajt, duke thënë se ka dhe të moshuar që ende luajnë domino të grumbulluar.

Pjese nga biseda:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Brataj: Ne po shohim tani të moshuar që po ia hedhin sëmundjes dhë të rinj që po këputen. Sepse të moshuarit po mbrohen. I terrorizuam moshat e treta, mos dilni se do vdisni, bëni kujdes. Ndërsa të rinjtë nuk po marrin masa. Janë më neglizhentë.

Blendi Fevziu: Për atë punë të gjej unë sa të duash, të moshuar që luajnë domino.

Brataj: Maska nuk është bërë për të mbajtur viruset, por për të mbajtur bakteret. Pështyma, spërklat përplasen te maska dhe nuk kalojnë dhe virusi do të ndalojnë të barriera, pra maska.

Këto janë profesionale dhe përdoren në ambiente pune. Maska me valvul nuk bën punë, sepse ata infektojnë të tjerët dhe ai vetë nuk infektohet. Është e pritshme rritja. Të gjitha kushtet janë në favor të virusit. Hyn në restorante dhe mezi kalon. Në këtë moment nuk rrezikojmë mbylljen, me këto numra, por na rrezikohen kufizime të tjera.