LIGJET E BIZNESIT
Mali i Zi do t’i rikthehet sërish “shtetrrethimit” për shkak të koronavirusit.
Mediat vendase raportojnë se që nga mesnata, masa më të rrepta epidemiologjike do të zbatohen në vend për shkak të rritjes së shpejtë të numrit të rasteve të reja me COVID-19. Masat përfshijnë futjen e “shtetrrethimit” në disa qytete dhe kufizimet në funksionimin e objekteve të hotelerisë.
Masa të rrepta parashikojnë një shtetrrethim nga ora 22.00-05.00 të mëngjesit, si dhe ndalimi i funksionimit të objekteve të hotelerisë, do të zbatohen nga e hëna në Nikshiq, Berane, Andrijevicë dhe Rozhaje, qytete me numrin më të lartë të pacientëve, ndërsa Podgorica dhe Kotori punën e kafeneve do ta kufizojnë deri në ora 22.00.
Gjithashtu, nga nesër në të gjithë Malin e Zi, maska mbrojtëse është e detyrueshme për të gjithë qytetarë mbi moshën pesë vjeç.
Autoritetet shëndetësore njoftuan 116 infeksione të reja sot, ndërsa numri mesatar i infeksioneve të reja ishte rreth 250 në ditë në gjashtë ditët e mëparshme, për shkak të tubimeve politike, para dhe pas zgjedhjeve parlamentare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aktualisht ka 3.699 raste aktive të infeksionit në Malin e Zi, ndërsa vetëm në shtatë ditët e fundit 20 njerëz kanë vdekur nga koronavirusi. Numri i përgjithshëm i vdekjeve që nga fillimi i pandemisë në vend ka shkaur në 158.
