Plagosja në Tiranë/ Policia shpall në kërkim dhe dy persona të tjerë, mes tyre një vajzë

Vijojnë të dalin detaje nga plagosja e djeshme në zonën e Astirit në Tiranë.

Mësohet se policia ka shpallur në kërkim gjithsej 3 persona, mes tyre një vajzë.

Burime bëjnë me dije se njëri prej tyre është autori i dyshuar Aleksandër Mehmetaj, 20 vjeç.

Mehmetaj është kërkim edhe nga Policia e Durrësit, pasi Gjykata ka vendosur masë sigurie “arrest në burg” për një tjetër ngjarje.

Dy të tjerët e shpallur në kërkim për plagosjen e mbrëmshme janë E.D, 22 vjeç dhe E.C, 19 vjeçe.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ata akuzohen për moskallëzim krimi, ndërsa 20-vjeçari akuzohet për tentativë vrasje.

Ngjarja ndodhi pasditen e djeshme, ku 20-vjeçari Mehmetaj ka qëlluar me armë zjarri 45 vjeçarin Spartak Beqiraj duke e plagosur në këmbë.

Siç raportohet i plagosuri dhe autori i dyshuar jetojnë në të njëjtin pallat ndërsa konflikti dyshohet se ka ndodhur për shkak se 45-vjeçari i ka kërkuar të mos konsumojë lëndë narkotike në ambientet e pallatit ku banonin.