Ndodh për herë të parë/ Ky është shpendi i rrallë që pushtoi liqenin e Pogradecit (FOTO)

Një pamje e bukur është ajo na sjell së fundmi liqeni i Pogradecit.

Ai është pushtuar nga dhjetëra Flamingo, gjë e rrallë kjo për juglindjen pasi nuk janë parë asnjëherë më parë në këtë zonë.

Shpendët me qafë të hollë dhe të harkuar e me këmbët e hijshme, kanë zgjedhur Tushemishtin për të marrë vëmendje nga vizitorët dhe për të pushuar disi.

Nga ana tjetër dhe vetë specialistët janë shprehur të habitur për këtë zog që ka pushtuar vijën liqenorë të fshatit turistik të Tushemishtit dhe shtojnë se kjo ardhje është e përkohshme.

Vizitorët vinë shpesh aty duke e kthyer vendin si një destinacion për turizmin e vëzhgimit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ata habiten se si ka mundësi që ujërat e ftohta të liqenit e mbajnë këtë shpend.

Zakonisht Flamingot i gjejmë në lagunën e Karavastasë dhe atë të Nartës.

Kurse për qytetin e Pogradecit kjo është një dukuri e rrallë, por megjithatë qytetarët arritën që ta njohin së fundmi.