Ndodh edhe kështu/ Në shtetin që u rikthye karantina rritet ndjeshëm numri i të infektuarve

Edhe pse nisi karantina e dytë, numri i të prekurve nga COVID19 në Izrael arriti një rekord të ri.

Kështu, sipas të dhënave nga ministria e Shëndetësisë izraelite, ditën e djeshme janë shënuar  6861 raste të reja.

Ndërsa javën e kaluar ishte rekordi i mëparshëm , kur 5533 të infektuar u konfirmuan në vetëm 24 orë.

Izolimi kombëtar nisi  të premten në prag të Vitit të Ri hebre.

Gjatë mbylljes tre javore, i cili mbulon të gjithë sezonin e festave hebraike, izraelitëve u kërkohet të qëndrojnë brenda një kilometri nga shtëpitë e tyre, megjithëse ka përjashtime nga rregulli të tilla si udhëtimi për punë apo blerja e gjërave të domosdoshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndalohet hapja e shumë bizneseve si hotele, qendra tregtare, qendra rekreative, sallone bukurie, qendra sportive dhe pishina, ndërsa supermarketet, farmacitë dhe shërbimet e shpërndarjes së ushqimit janë ende funksionale.