“Kjo video tregon fundin e Rilindjes” Deputeti nxjerr pamjet dhe paralajmëron: Ka nisur numërimi mbrapsht

Një paralajmërim i fortë vjen së fundmi nga deputeti i opozitës së re Lefter Maliqi.

Ky i fundit ka publikuar një video të dikurshme me kreun e Partisë Demokratike Lulzim Basha me të cilin shfaqet gjatë një takimi me qytetarët.

Maliqi shton i bindur se kjo video e pritjes madhështore që i bëhet Bashës, tregon se ai do të jetë kryeministër i ardhshëm, duke shënuar kështu dhe fundin e Rilindjes.

“Edhe pak ka mbetur, për të përjetuar sërish, madje këtë herë shumëfish, padurimin e shqiptarëve për të votuar OPOZITËN E BASHKUAR, si të vetmen mundësi për ta jetuar jetën aty ku e kanë lënë, 8 vite më parë. Kjo video e pritjes madhështore të kryeministrit të ardhshëm, Lulzim Basha, sot më shumë se kurrë, dëshmon se për FUNDIN E RILINDJES ka nisur numërimi mbrapshtë. PARTIA IME ËSHTË POPULLI”, thekson Maliqi teksa publikon dhe pamjet e mëposhtme.