LIGJET E BIZNESIT
Agjencia e Mjedisit të Bashkimit Europian ka nxjerrë së fundmi një raport shqetësues.
Në të thuhet se 1 ndër 8 vdekje në Europë mund të lidhet me ndotjen.
Gjithashtu ky raport thekson se faktorë të tillë si ajri i ndodhur, cilësia e dobët e ujit dhe ekspozimi ndaj kimikateve ka kontribuar në 13% të shtimit të numrit të vdekjeve.
Sipas tij njerëzit në nevojë dhe komunitetet e varfra janë më të goditurit.
“Nevojitet një veprim i fuqishëm për t’i mbrojtur më të rrezikuarit”, tha agjencia.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Ekziston një lidhje e qartë midis gjendjes së mjedisit dhe shëndetit të popullsisë sonë”, tha komisionari për Mjedis i BE-së, Virginijus Sinkevicius.
“Të gjithë duhet ta kuptojnë se duke u kujdesur për planetin tonë, ne jo vetëm që i shpëtojmë eko-sistemet, por edhe jetët tona”, shtoi ai.
Raporti nga agjencia me bazë në Kopenhagë u lëshua të martën.
Ai zbuloi se 630,000 vdekje të parakohshme në BE u janë atribuar faktorëve të mjedisit më 2012 – që është viti i fundit për të cilin ka të dhëna në dispozicion.
“Njerëzit janë të ekspozuar ndaj rreziqeve të shumta në çdo kohë, përfshirë ajrin dhe ujin e ndotur dhe kimikatet, të cilat kombinohen dhe në disa raste veprojnë bashkërisht, duke ndikuar në shëndet”, thuhet në raport.
Organizata Botërore e Shëndetësisë thotë se ndotja e ajrit shkakton vdekjen e miliona njerëzve në botë çdo vit dhe se është përgjegjëse për një të tretën e vdekjeve nga goditja në tru, kanceri i mushkërive dhe sëmundjet e zemrës.
