Greqia ‘pushtohet’ nga cikloni, shikoni dëmet e mëdha që ka shkaktuar: Pemë të rrëzuara, përmbytje, baltë (VIDEO)

Greqia është pushtuar orët e fundit nga moti i keq, fenomen ky që u paralajmërua dhe më parë nga meteorologët.

Bëhet fjalë për Zakynthos, Kefaloninë dhe Itakën që janë prekur nga Cikloni Mesdhetar.

Pamjet që serviren nga këto zona janë të frikshme, ku shihen përmbytje, pemë të rrëzuara.

Madje në disa zona ka patur probleme dhe me ndërprerjen e energjisë elektrike.

Kryebashkiaku i Itakës Dionysis Stanitsas u shpreh se po bëhet luftë për të shpëtuar anijët në port, të cilat rrezikojnë përmbytjen nga dallgët.

Deri më tani për fat të mirë nuk raportohen njerëz të lënduar, por dëmi material është tejet i konsiderueshëm.