E shoqëron Pëllumb Pipero/ Infektohet me COVID19 shefi i ORL, niset urgjent për në Turqi (EMRI)

Një tjetër figurë e rëndësishme e shëndetësisë në Shqipëri është infektuar nga COVID19.

Bëhet fjalë për shefin e Shërbimit të Otorinolaringologjisë në Qendrën Spitalore Universitare “Nënë Tereza” në Tiranë,  dr. Besim Boçi i cili është dërguar me urgjencë në një spital në Stamboll.

Dërgimi i tij në Turqi është bërë për shkak të rëndimit të gjendjes së tij shëndetësore pas prekjes nga virusi.

Sipas informacioneve shefi i ORL në atë që shumë e njohin si spitali francez, shoqërohet dhe nga mjeku infeksionist Pëllumb Pipero.

Ende nuk dihet si dhe ku është infektuar dr.Boçi. Zyrtarisht nuk ka një informacion mbi gjendjen dhe kurimin e tij dhe as prej sa ditësh ishte prekur nga koronavirusi, por ajo që dihet është se gjendja e tij u përkeqësua ndjeshëm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern