Drejtësia nis të veprojë mbi politikën? Dënohet me 4 vite burg ish-kryetari i Bashkisë së Lezhës

Së fundmi drejtësia ka bërë një goditje të fortë në rradhët e politikës.

Mësohet se ish-kryetari i Bashkisë së Lezhës Fran Frrokaj është dënuar me 4 vite burg.

Ai akuzohet për veprën penale “shpërdorim detyre”.

Gjithashtu dhe ish kryetari i qarkut Lezhë, Gjok Ndoka është dënuar me 4 vite burg, ndërsa nënkryetari Enver Hafizi është dënuar me 1 vit burg. Ish zyrtarët janë të akuzuar për tjetërsim pronash tek Rana e Hedhun.

Frrokaj i cili garonte nën siglën e PD më parë u akuzua nga Prokuroria, së bashku me 18 të tjerë për tjetërsimin e pronave teksa për të u kërkua 3 vite burg, kurse për grupin në total 43.6 vite.

Ai u arrestua në 2018 teksa më pas u la në arrest shtëpie.