Ç’po ndodh në Ministrinë e Brendshme? Vjen dorëheqja e rradhës, largohet zyrtari i rëndësishëm

Një tjetër dorëheqje e rëndësishme vjen nga rradhët e Ministrisë së Brendshme.

Mësohet se bëhet fjalë për sekretarin e Përgjithshëm Plarent Ndreca, i cili ishte emëruar në këtë post më 18 korrik 2019.

Edhe pse nuk është bërë zyrtare ende, sipas informacioneve Ndreca e ka paraqitur dorëheqjen prej tri javësh.

Por ai vijon të paraqitet në punë, pasi ministri i Brendshëm Sandër Lleshaj nuk e ka firmosur ende.

Ndërkohë nuk dihen shkaqet e kësaj dorëheqjeje.

Burimet bëjnë me dije se në vend të tij është emëruar Elena Pici, e cila vjen nga Këshilli i Ministrave.