TRAGJIKE/ Zjarr në banesë, humbin jetën 2 të moshuar dhe plagosen 3 zjarrfikës  

Ditën e sotme një ngjarje e rëndë ka ndodhur në Kypseli të Greqisë. Duke iu referuar raportimeve të mediave helene, bëhet e ditur se një zjarr i madh ka djegur një banesë në katin e pestë të një pallati, në rrugën 35 Filotimou.

Po të njëjtat burime thkesojnë se si pasojë e zjarrit, kanë humbur jetën një çift të moshuarish 90 vjeç dhe 86 vjeç, ndërsa 3 zjarrfikës janë  plagosur teksa kanë ndërhyrë për të shuar flakët.

Por dhëndri i çiftit tregoi që ata nuk kanë mundur të dalin në kohë jashtë banesës pasi e bija e tyre kishte dalë për të shkuar në farmaci dhe i kishte lënë vetëm.

Policia dhe grupi hetimor ndodhen në vendngjarje dhe po merren me zbardhjen e rrethanave të ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern