TRAGJIKE/ E moshuara gjendet e pajetë në banesë, dyshohet se e mbyti i biri i sëmurë

Një ngjarje tragjike ka ndodhur në rrugën Rustem Statovci, në Ferizaj të Kosovës. Është gjetur pajetë një 83-vjeçare në banesën e saj.

Sipas njoftimit të policisë, viktimës i janë konstatuar shenja duarsh në fyt dhe dyshohet se dikush e ka mbytur.

E ndjera, me inicialet M.Ç., jetonte me të birin, i cili vuan nga problem të shëndetit mendor.

Djalit i është marrë dëshmia, por prokurori Veton Shabani, që ka rastin në dorë, tregon se nuk janë shumë të bindur.

Hetimet e mëtejshme do të tregojnë nëse është djali ai që e ka vrarë nënën apo jo.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Ka dyshime për vrasje. Mjekësia Ligjore e ka marrë trupin e pajetë të viktimës, obduksioni do ta sqarojë situatën më detajisht. Por dyshimet e para janë se kemi të bëjmë me vrasje. E ndjera ka jetuar me një djalë të saj, që sipas informatave të para, ka të meta mendore. Është dërguar për ekzaminim te psikiatri. I dyshuar për momentin është djali, policia e ka marrë dhe është duke u trajtuar nga psikiatri”, ka deklaruar Shabani.