Tërmeti i fuqishëm godet këtë shtet/ Ndërron jetë një person, lëkundjet shembin disa banesa

Një tërmet i fuqishëm i magnitudës 6.6 i shkallës Rihter ka goditur sot Filipinet.

Si pasojë e lëkundjes së fortë, ka humbur jetën një person si dhe janë dëmtuar rrugë, ndërtesa.

Gjithashtu është shembur një spital dhe një kompleks sportiv që përdorej si qendër karantine.

Epiqendra ishte në ishujt e rajonit Samar ndërsa thellësia e lëkundjeve ishte 30 km, sipas asaj që raporton Qendra Sizmologjike Evropiane Mesdhetare.

Gjithashtu Agjensia e Sizmologjisë në Filipine tha që nuk ekziston rreziku i një tsunami por paralajmëroi për pasoja, bën me dije Global News.