Situata tragjike në Kakavijë, pas vdekjes së 10-vjeçarit, e ëma humb ndienjat, qytetarët ‘palosen’ përtokë nga lodhja dhe vapa e madhe

Një situatë katastrofike është krijuar në pikën kufitare të Kakavijës ku vijojnë radhët kilometrike.

Një fëmijë 10 vjeç, me inicialet S.D është përplasur për vdekje nga një ambulancë e cila po ecte me shpejtësi pasi kishte marrë një grua që ishte ndjerë keq. Pas lajmit, e ëma e shokuar ka humbur ndjenjat teksa një efektiv i është afruar ta ndihmojë.

Ndërkaq, dhjetëra qytetarë ia kanë marrë me këmbë duke bërë 6-7 kilometra rrugë. Si pasojë e vapës së madhe disave u ka rënë të fikët dhe kanë përfunduar të shtrirë përtokë në pritje të ndihmës mjekësore.

Pala shqiptare po punon me 8 sportele, pala greke me 3 sportele dhe duket se s’ka ndërmend të lehtësojë procedurat pavarësisht situatës së krijuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern