Shqetësuese/ Kina zbulon gjurmë të COVID-19 në krahët e pulës, ja nga importoheshin

Një ngjarje vërtet shqetësuese raportohet nga Kina. Zyrtarë të qytetit Shenzhen në Kinë kanë bërë me dije se kanë zbuluar gjurmë të koronavirusit në krahët e pulës, që ishin të importuara nga Brazili.

Ata kanë treguar se malli ishte testuar dhe kishte rezultuar pozitiv me COVID-19.

“Sipërfaqja e një mostre të krahëve të pulave të importuara testuar pozitive për virusin”, thanë autoritetet e Shenzhenit.

Nuk është bërë ende e ditur marka të cilës i përkiste produkti, por po punohet për të testuar të gjitha produktet e shitura nga kjo kompani. Gjithashtu po gjurmohen edhe rastet e atyre personave që kanë rënë në kontakt me këto produkte.

Kujtojmë që Qendra amerikane për Kontrollin dhe Parandalimin e Sëmundjeve, si dhe Organizatën Botërore e Shëndetit, kanë thënë se rreziku që të infektohesh përmes ushqimit është shumë i ulët.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern